O Concello contrata as obras de mellora das rúas Xudeos e Cruz Verde para as que destina 270.000 euros
O Concello contrata a mellora das rúas Xudeos e Cruz Verde dentro do Plan único da Deputación. Trátase dunha actuación na que se investirán máis de 270 000 euros e que forma parte do programa de mellora de viais municipais (da zona rural) e as rúas do centro urbano, no que se inclúe a renovación de pavimentos e servizos. Neste caso as obras previstas pretenden contribuír a reforzar os valores arquitectónicos e espaciais, especialmente significativos no caso da rúa Xudeos, de importancia histórica no trazado histórico urbano de Betanzos, así como da rúa Cruz Verde pola súa localización céntrica e que partes desde unha zona de gran significado dentro do centro histórico da cidade.
O obxectivo non é outro que recuperar un contorno céntrico de interese histórico innegable, e dotalo de novos servizos e dunha pavimentación acorde co contorno, para contribuír así á súa revalorización patrimonial, social e turística, ademais por suposto de liquidar os problemas de filtracións existentes na rede, especialmente significativa nos casos de saneamento e rede de pluviais. Hai que destacar que a renovación dos servizos de rede de sumidoiros e recollida de augas pluviais levarán ata a conexión coa fosa emprazada na escaleira de baixada cara á rúa dos Ánxeles.
Con respecto ás infraestruturas ademais das canalizacións correspondentes realizaranse novos pozos de rexistro de formigón, arquetas de acometida dos distintos servizos e sumidoiros para a recollida de pluviais. A pavimentación da rúa realizarase con laxas de granito en toda a súa superficie desde a Rúa Xudeos onde todo o seu trazado executarase con laxas igualmente de granito.
Con carácter xeral proxéctase o trazado integral das beirarrúas, e procúrase maximizar a súa anchura e optimizar o seu trazado na medida do posible, proxectando zonas de desafogo sempre que sexa posible para os pasos de peóns. Proxéctase a substitución de pintados, a sinalización e o equipamento urbano existente de maneira homoxénea a outras actuacións levadas a cabo polo Concello de Betanzos en zonas de interese histórico e de centralidade urbana.
No caso da rúa Xudeos e dos tramos de beirarrúa de laxa de granito estenderase unha capa de saburra artificial, e procederase á súa nivelación, rasanteo e compactación ata alcanzar a cota adecuada para levar a cabo a nova pavimentación. A pavimentación de Xudeos realizarase con laxas de granito. O proxecto prevé a realización de beirarrúas de laxa de formigón continuando as existentes o tramo superior da rúa Cruz Verde
Colocaranse sinais reflectores con placa e poste de aluminio ancoradas ao pavimento. Tamén se levará a cabo a sinalización horizontal por medio de marcas viarias con pintura reflectora de distintas cores. Colocaranse papeleiras de aceiro.